Presentación
Nenos e Nenas, Nais e Pais,Tías e Tíos, Avós
e Avoas, Parentes e Parentas...
Xa CHEGOU, Xa está AQUÍ...
A novena edición do FESTIVAL INTERNACIONAL DE TITERES DE REDONDELA
Celebraráse do 26 de Maio ao 1 de Xuño de 2008
Como ven sendo habitual, a Organización do evento é compartida pola ASOCIACIÓN XENTE TITIRITEIRA e a Concellería de Cultura do Concello de Redondela.
Seguindo a filosofía do seu creador, Juanjo Amoedo, o FESTIVAL continúa na liña de involucrar na súa celebración a maior cantidade posible de institucións, de sectores sociais e de xentes da vila, para converter este acontecemento na seña de identidade cultural de Redondela.Así, o FESTIVAL conta xa con apoio económico de diversas institucións políticas, económicas e sociais de índole autonómica, provincial e local, e na súa organización participan de forma voluntaria arredor de 50 persoas, maiormente na semana da súa celebración, procedentes de diferentes colectivos e agrupacións locais.
Se o ano pasado a vocación internacional do FESTIVAL disparouse coa presenza de Compañías e Formacións das mais variadas procedencias, nesta edición aséntase definitivamente a variedade da súa procedencia.
Nesa semana de Maio veremos en Redondela profesionais do teatro de títeres de: Asturias, Cataluña, Francia, India, China, Rusia, Kenia, Arxentina, México e Hungría, presentando, coma sempre unha selección dos diversos camiños estéticos e posibilidades escénicas do teatro de títeres e marionetas, dende a tradición á modernidade, con espectáculos de alta calidade.
¡¡P A S E N e V E X A N!!
|
